長澤會對抗澤尻會?

筆者係昨日睇到某雜誌中嘅一篇報導,內容講述於零五年憑日劇《一公升眼淚》上位的沢尻エリカ,因為唔順長澤まさみ於上年所主演嘅新戲《愛與淚相隨》收得,動搖其一姐地位,故為咗要收復失地,竟聯同其他圈中好友組成「澤尻會」,齊齊唱衰長澤;而長澤眼見澤尻踩到上心口,亦隨即聯同其親密戰友組織「長澤會」作反擊。

其實佢地兩個咁做嘅話就兩個都唔低幫,但根據該雜誌從日本方面嘅消息及調查所透露,日本人始終覺得清純玉女長澤低幫啲,而澤尻更成為最討厭女優 No.1;除此之外,該雜誌亦在香港街頭訪問過一些路人,結果同日本方面嘅一樣,大部份都話長澤好過澤尻好多,有啲重話澤尻個樣越嚟越串。

呢單野係唔係真筆者就真係唔知,但係筆者一睇完呢段報導就真係覺得好笑,講真,娛樂圈明爭喑鬥真係唔出奇,以長澤及澤尻呢兩個當紅姐仔嚟講更加唔出奇,之不過好似報導咁重拉埋其他圈中人幫手組織乜乜會就有少少怪,如果事件屬實,睇怕佢地兩個都有排鬥,重分分鐘激過《戰狼300》…

以下資料皆引用自該雜誌

長澤會成員:

  • 副會長–綾瀨遙
    長澤同綾瀨遙分別做過《在世界中心呼喚愛》嘅電影及電視版的關係而成為好友,故姊妹俾人恰當然要力撑。
  • 會員–戸田恵梨香
    與綾瀨遙分屬好友,被綾瀨遙拉攏入會對抗澤尻。
  • 會員–宮崎葵
    因為睇唔過澤尻態度囂張,而自願入會幫拖。

澤尻會成員:

  • 副會長–若襯千夏
    因知若襯人緣甚廣,故澤尻極力游說其入會,利用佢招攬多啲成員。
  • 會員–上野樹里
    同澤尻係中學同學,澤尻會成立後即爭住入會,唱衰死敵長澤。
  • 會員–伊藤英明
    據說起初佢以為個會係溝女飯局,之後先發現係是非圈,但玩落又覺得幾好玩。

2 Replies to “長澤會對抗澤尻會?”

  1. 長澤正美播音

    出道已七年的長澤正美,甫入行已跟女星大塚千尋在電影《哥斯拉FINAL WARS》擔任串星,兩人所唱的歌曲還收錄在電影的原聲大碟內。此外,近日正美宣布加入廣播界,電台已於網上公開招募節目名稱,不少搞事聽眾卻惡意留言,提議節目命名為「打低長澤正美!澤尻會」或「長澤正美誓死撲滅澤尻會之委員會」等。

    from 東方日報國際娛樂 02/04/2007

發表迴響