很久沒寫網誌的我，其實也像很多朋友一樣，轉了玩微網誌 twitter，其實小弟在 twitter 上，原本只是作為收集情報之用，但當進一步深入研究之後，發覺 twitter 除了最基本的發短文、與朋友聊天之外，還可透過各式各樣由第三方開發的程式作增值之用，如 foursquare 可讓經常四處遊的朋友作為「到此一遊」之用。

除了玩 twitter 之外，小弟近期還在新浪微博開了戶口，以作為與華人圈中討論及交流アイドリング(美女甜甜圈)!!!及恵比寿マスカッツ(惠比壽麝香葡萄)之用，如對以上兩個偶像團體有興趣的朋友，歡迎加以關注！

唔係講笑！之前係 NHK 嘅音樂節目 Music Japan 上連前台都無得講幾句嘅女子組合–アイドリング!!!，係昨日發售嘅新細碟「目には青葉 山ホトトギス 初恋﹝眼觀嫩葉 耳聽杜鵑 我的初戀﹞」一上榜就攞到第二位，僅次於モーニング娘。嘅「青春コレクション」，雖然賣出一萬四千多張實際上唔係真係好多﹝唔好同我講要同 AKB 比…﹞，但只係喺富士台默默耕耘嘅佢地能夠取得呢個成積就已經唔錯。

因為アイドリング!!!之前出嘅唱片最高都只係去到第五位，而今次新碟發售前就咁上一上 Music Japan 亮下幾分鐘相就即刻攞個第二位番呢，您話同 Music Japan 無關嘅話應該都無乜人會信。而另一個原因可能就係アイドリング!!!節目話事人嘅眼光，因為之前係網上有些朋友覺得，同其他組合係 Music Japan 上打拼的話，點解唔唱番佢地嘅首本名曲而用新歌？相信現在大家都知道原因了吧！

將於本月即5月30日在日本 NHK 電視台播出的音樂節目 Music Japan 中，所表演之嘉賓將會是近年前所未有，因為在這一集當中，將會邀請到總共七組的人氣女子組合罕有地同台亮相，在這七組中當然包括了近年被傳媒形容過有偶像三國之稱的三大組合 – モーニング娘。、AKB48 及 アイドリング!!!(美女甜甜圈!!!)。

以演出的經驗和質素來說，當然是モーニング娘。最好，但人氣方面就不斷下降，近年還要向我們的祖國邀請兩名外援來幫手，試圖衝出日本向亞洲市場進發。

而近年成功地攻下秋葉原各宅男之心的 AKB48，在紅白首次演出之後感覺上人氣亦有點下滑跡象，不知道是否想保持人氣的關係，近期多張細碟的 PV 都出現很多水著的鏡頭來吸引觀眾，此外，秋元康先生亦繼在名古屋組了隊 SKE48 之後，很快的就組了一隊成人向的組合 – SDN48，這是否意味著秋元康先生的資源開始分散投資？

自從4期生喺今年4月加入之後，アイドリング!!!(美女甜甜圈!!!)呢個組合就已經有成20人咁多，如果唔係先前有睇開嘅話，真係眼花繚亂到唔知邊個打邊個。

而呢次新加入嘅4期生成員就有成五個咁多，且年紀最大嘅得15歲，其餘兩個14歲同兩個13歲，筆者得知後第一時間想到五個都咁細個，究竟得唔得架？因為アイドリング!!!呢個組合唔似 AKB48 果啲組合咁主要賣點係跳舞唱歌，アイドリング!!!各成員喺節目中嘅不同環節上所展示嘅即時反應及表現係非常重要，如果成員本身資質唔夠就真係會好令觀眾失望。

就喺最初果幾集節目上，即由4月1日開始至4月9日 (#612 至 #615) 果四集上，唔知係咪唔習慣嘅關係，4期生成員都好似唔係咁想出聲講嘢咁，五個當中得 22 號嘅倉田瑠夏同 23 號嘅伊藤祐奈比較多啲嘢講；最好笑喺係 #615 質問3期生成員果集，23 號嘅伊藤係咁窒3期生，再加上主持升野幫手玩之下，搞到3期生果三位成員都好尷尬好無奈，而最搞笑係 22 號嘅倉田竟質問同係 13 歲嘅 21 號橋本識唔識背九九乘法表 (即九九歌或九因歌)，剛剛升上中學2年班嘅橋本照計應該識背曬，當主持人升野叫橋本背第七果行嘅時候，橋本竟然背唔曬，重反問倉田識唔識背，點知倉田背背吓要問4期生其他成員點背…

可能4期生各成員重係小朋友嘅關係，喺之後嘅節目上，係玩遊戲嘅環節中就積極好多，尤其是 #625 對3期生玩大相撲果集，20 號大川俾 26 號尾島搞到喊咗出嚟失曬儀態。不過4期生成員始終係剛剛加入，唔可以要求咁高，且看往後表現如何吧！

近日在網上抓 アイドリング!!! 的最新集數時，無意間發現這套有數名 アイドリング!!! 成員參與演出的短篇日劇《鉄道むすめ〜Girls be ambitious!〜》，雖然筆者在較早前已知道有這套劇的存在，但就好像失憶般地沒有特意去找，而結果竟然是在這偶然情況下才記起，因此筆者便需要在「健康度」下滑之前盡快抓回來，暫時在網上可抓到有頭三集。

說回《鉄道むすめ》這套短篇日劇，乃是改篇自玩具大廠 TOMY 旗下同名人氣手辦系列，此手辦系列在之前已推出過 Drama CD、遊戲等等有關商品，在日本可說是其中一套很受歡迎的女性人型手辦之一〔但同廠的姊妹作「バスむすめ – 巴士娘」則好像沒有這麼受歡迎…〕，雖然此劇並沒有安排在如富士、朝日等大型電視台上播出，但參與演出的卻包括有現時兩大人氣偶像團體〔アイドリング!!! 及 AKB48〕的成員，除此之外還有人氣非常高的眼鏡娘時東ぁみ的加入，故此劇怎樣也有一點看頭。

劇情方面，當然是講述在各個鐵路公司工作的女性員工，於不同崗位上所遇到的各種工作問題；例如第一集「京成電鐵篇」中由時東ぁみ所飾演的站務員中山ゆかり，雖然工作表現不錯，但因工作壓力的關係已把笑容忘記得一乾二淨，但之後她因為得到一個準備到外國表演的落語家的幫助，從而令她的笑容重現。雖然此劇以寫實為賣點，但筆者覺得其故事內所談及的工作辛酸都似乎有點小兒科，難道這些小事就是日本人所稱的工作辛酸？！

究竟微軟的 Vista 同日本的女子組合アイドリング!!!﹝Idoling!!!(美女甜甜圈!!!)﹞有什麼關係？答案就是「Windows Vista 學園」！

如果大家於近期有追看「アイドリング!!!(美女甜甜圈!!!)」這個節目的話，應該知道日本微軟將會贊助她們的第三次演唱會；但當然，世上並沒有免費午餐的，這班一共有十七個少女的女子組合，便因應日本微軟的要求而幫助宣傳 Vista 而成立一個叫「Windows Vista 學園」，來教導大家 Vista 有多好…

但有趣的是，在日本微軟網站上的各主頁並沒有有關這個宣傳活動的任何資料或連結﹝或許我看漏了？﹞，如要找到連到「Windows Vista 學園」的頁面，我想最近的應該是在 Users 內的「最新電腦情報」分頁中才看得到…